猫の時光

要到中環取藥，洗牙，將這個星期的休日改到平日～

一個人，來一趟初＊夏＊慢＊步＊南丫島

放棄午飯～　一時，食店並不容易找悠閒的位置～
隨意在碼頭附近大街小店穿插，買了一台單車～

路過馳名中外的［阿婆豆腐花］，見到今日唔洗等，試下～
如果週末排大隊，我的評語會係：無豆味，把鬼～　宜家覺得夠凍，就係好食？！

走到洪聖爺灣，有樹蔭下有木椅，要學鬆弛熊Hea陣～
翻開背包的雜物：草帽，防曬乳，零食，飲料， 隨身聽，照相機，紙，筆，風衣，毛巾。。。
雖然揹布袋好看，我始終敵不過背包的輕便～

一個人的時候，總會八卦路人甲乙丙丁。。。一個男人，一個女人；一個阿公，一個阿婆

女人話：去睇風車喇，都未睇過
男人撥著手中電話的GPS：行好&!X#%zy遠喎
女人話：你咪噤煩啦，都未行就話遠...@#!
咀在抱怨，兩個人撐著傘往山上走去～

阿婆話：係咪呢邊呀，有冇行錯嫁
阿公話：行啦～你跟住我啦，錯左咪返轉頭囉
前前后后碰上了兩次，以上的對白重重覆覆，阿婆都係跟住阿公行。。。

旁觀男女間的關係，有時係好得意～

一時十五分的步程，由榕樹灣走到索罟灣，帶著相機45分鐘完成～

行到汗水在眉梢中滑下， 吹來一陣微風～  這天一個人跟一隻貓的約會，感覺寫意～