父皇出巡北海道 End

冬季去日本旅行，怎少得浸溫泉這個環節～

這次沒買火車證，特意挑選附迎送服務的酒店，地點揀了登別～

老爸最愛吃魚，今朝再到另一邊的漁市場逛逛。。。從札幌搭一個火車站到桑園，要再步行十多分鐘～
上次跟主人來時是自駕，這次只靠自己的方向感移動～　哈， 好在沒失禮～

場外市場感覺平民一點，規模較大，貨品也相對地多，父皇本想吊條一夜干返香港～
每間店子進進出出，早上起來逛市場是件賞心樂事啦～　(我果然一名師奶仔XD)

行完，找了一間大型食堂， 來兩碗海鮮丼吧～　用贈劵換海鮮麵豉湯，再點多尾燒魚~
我呢。。。其實不吃魚～　(魚生就食XD ，太肥美都唔得~)  
結果呢，有人飽到顛咗囉~  最後連一夜干計劃也放棄了～

回程時在駅旁的AEON超市行個圈，就返大丸買返限定提子LeTAO蛋糕～　回酒店取李再出發~

酒店巴士的集合地點在大通公園，電視塔地庫～　(在此感謝細仔幫忙預約～)

正值上班族的放飯時間，長長的拉麵人龍，引得長者垂涎三尺，不過佢冇第二個胃，得個恨字~

兩點幾抵達溫泉區，先辦理登記房間手續～　抓緊時間在天黑前上山，老爸愛行山，就上地獄谷行一圈吧～
雖然踏入冬天，幸未有太厚的積雪，相當順利地行到大湯沼，大老爺很高興啦～

傍晚時份，沒太多遊人，只有滿山可怕的烏鴉～　在山頂碰見到一對日本老夫婦，可以亙相拍到合照啦～
黃昏的登別溫泉街，有很多惡魔，彌漫著不一樣的氣氛～　逛逛土產店，也到便利店買啤酒泡麵～

開飯前最高享受，當然是泡溫泉～　原來又是老爸第一次的風呂体驗，有本事泡得比我還要耐？！
約定在部屋集合，六點半開飯～　今晚訂了會席蟹宴，有獨立個室，有御婆さん服待～

精緻小碟鋪滿枱：和牛火鍋，大籃蟹。。。我估父皇都係第一次這樣嘆料理～
去北海道好多人都鍾意食蟹，我就一向麻麻地～　今次有機會試毛蟹，超憎佢D勾，用口咬就吉咀，用手搣就成排勾吉手指，食完都補唔返～　救命啊！
反而是長腳蟹成條蟹棒食得好開心～　不過係真係好攰，餐飯食咗個半鐘？！　蟹，唔識欣賞啦～

食完飯，又有人鋪好TATAMI啦～　長者另一樣新体驗，不過都係話唔慣喎～
(最頂癮係有人第二朝，忽然搬起人地個頭，仲話我跌咗個枕頭？！)
電視時間～　收拾行李，明天飛走啦！

回程的一天，基本上不安排節目～　早上再泡一趟溫泉，就是自助朝食～
有人食咗三四碟，飽翻天的感覺就破壞了札幌電視塔的拉麵夢～　連午餐都唔洗食？！

登別有直接巴士出千歲空港，放棄酒店的回程服務吧～
四小時前到著，有足夠時間漫遊大小商店，就放恣買過夠吧～　午飯喝一杯叮噹咖啡～

四日三夜的長者服務令總算完成了，唔知長者滿唔滿意呢？　下一站會係邊呢？　后會有期啦～