太陽国找月亮去 (o^^)☆彡倉敷町家

這邊廂主人為工作，課題忙得暈頭轉向；而我除了努力找錢幣外，就繼續在紀行中風花雪月～
兩公婆的相處，果然同枱食飯，各自收行～　OH MY GOD？！

話說回來。　上回提及這次旅行，主人是利用週末假期擠出來的~　
而因為CX滿席，還特意買了一張廉航Peach機票～
不過人算不如天算，香港打大風～　航班取消下，唯有再次投靠候補機位～　
原訂今晚飛走，現階段決定白天一起同遊，今晚他撤退回大阪，借宿細仔之家，明晚再才出機場等位～

22 SEP 2013 (SUN)

我呢，行程依舊～　遷移到岡山繼續兩日一夜的瀨戶內海之旅～　
(雖然十分懷念岡山全日空酒店的早餐，一個人的時候，還是住東橫吧~)
所以早餐后第一個活動， 就是乘新幹線， 去酒店卸行李～　再上返車，搭多一個站，去{倉敷}
一個不能錯過的地方，誠推給所有文化旅「人」～　(暗讚自己也是有文化啦 XD)

先寫下一點小歷史。。。
江戶時期，這裡是軍家幕府的天領(管轄地)，以地利環境開發運河，成貨物運送的樞紐～
明治年以后，就以發展[紡織所}振興經濟～　
時至今日，昔日拓展的盛世，並未因工業結束而倒退，更活化為旅人熱點～
懷舊氣息得以保存，難能可貴；加入現代商店，帶出雙贏的局面～　Retro VS Modern　讚！！！

從火車站徒步十多分鐘，就到倉敷美観地区～

　
白色町家　垂柳軽搖，河川小舟，溢滿風情。　愛照相的「人」夠忙了～

本町通上　華麗食店，個性雑貨，咖啡茶屋。　愛消費的「人」散錢嚕～

古典建物，由米蔵改裝成考古館；赤色倉庫則是由當年英國人設立的紡織工場改為酒店區的体験工房～　
還有藝術風做型滿分的{大原美術館}。　愛漫遊的「人」散步吧～

「我們」好忙呀～　不過好開心呀～　邊走邊吃，挑了"瀨戶內庵"，現做現吃的牡蠣仙貝～　手信入荷囉！
買一杯小販手作雪糕～　咬一口攤檔墨魚串～　還有吃了會得到幸福的"有鄰庵"{幸せプリン}！！！

喜歡亮麗的土耳其民族店，數最鍾意係Candle World的可愛蠟燭～　愛不釋手，帶一個回家吧～
仲買盒豆乳草餅做伴手禮! 

行咗三個鐘呀~　購物迷未夠的話，駅另一邊尚有三井Outlet吧~
我們呢，沒有再拚下去～　選擇坐下來休息，在Food Court享用三點三的午餐～
之后隨意行個圈，傍晚時份回去了～

六點多CHK IN，取行李給主人，分手說再見啦～
看見他走向駅的背影，竟有點欲哭的失落～　原來太習慣在一起，會害怕分離的感覺！？

獨自走進酒店的部屋中，先梳洗一番，沖走胡思亂想的情緒～
喝杯酒，整理一下手上的資料，明天要好好享受一個人的旅日～
看看電視，跟Rilakkuma說晚安啦～　

主人后記：
以下文字，由主人筆錄，純粹轉載～

一個人旅行 - 突然體驗篇，天兔襲香港～
因為隻天兔要黎香港追月，所以我有個機會體驗下一個人旅行。
雖然已經Full Fare買咗機票，但係宜航就係宜航，因為天氣影響，航班取消，一封email就算，唔好話酒店，點返香港都唔會同你諗。
咁唯有自己搞掂，出番公司飛，祈求少啲CNX，食得晒啲客，希望遲一日就算好彩。

22號晚，原本今晚坐MM，可惜CNX咗，依家唔係去関西空港走人，變咗玩耐少少，之後去大阪投宿，宿主係老婆啲日文同學，我都識咗幾年。
可能平時出街同旅行太倚懶老婆，知我要一個人返大阪，佢好擔心同掛心，其實真係唔洗驚，我可以轉做獨立Mode，自己搵路搵車，最多要多啲時間。

23號日，原本應該返咗工作岡位，依家變咗自己一個人响大阪半天遊，下午去機場返香港。
平時打大風落大雨，我會變返個前線員工，能力講真冇以前一半，只可以做個雜役，幫輕下佢地咁啦～
但今次冇响度幫手不得止，仲要同事幫手check客位，check邊班CNX，真係唔好意思。