11th 結婚紀念 ღ 馬戲野營

11 Mar 2017 (Sat)

11st 結婚紀念日的慶祝活動：住馬戲團帳幕！

日本近年流行玩Glamping～　如果係平日其實感覺太豪華～　

不過去旅行，又可以去露營，唔洗搬裝備，真係好爽～

加上週年慶祝嘛，氣氛剛剛好～

由新宿過東京，搭新幹線上宇都宮～　出站后再一次租車～

挑選的營地在栃木県～　行車距離一小時（以主人車速半小時？！）

未到入住的時間，先到附近的Bell Mall 百貨店買點東西～

プラン:森と星空のキャンプヴィレッジ「BBQ付」チャレンジプラン

1泊目 03/11 (土) ­­­­­­­­­­­­­­­­­­­­­­­­­­­­­

人数:2人 2食付

 客室:セットアップサイト【定員4名】

大人@ 19,280 円 x 1 名

追加大人@ 5,280 円 x 1 名

合計 24,560 円 (サービス料込・消費税込)

到場，聽一輪解說，取了鎖匙，打開營幕～

雙子床、星星吊燈、迷你冰箱，幾靚呀！

東北區三月，氣溫仍帶寒意，當日也吹起陣陣涼風～

幸好帳篷中有厚毯，也設有暖房設備：電熱地毯，暖茶机，熱水壺。。。

Motegi Twins Wing 其實是國際級的賽車場～　同場並設酒店住宿，兒童戶外樂園等設施～

而跟隨露營潮流，再加入豪華營區～　所以晚上可以開車到山上酒店浸温泉～　

個人已相當興奮，將自携的氣燈，花束，發泡汽酒佈置枱面。。。

其間竟有細心的工作人員問我們會慶祝什麼？　（佢話見到我帶咗幾支花 XD）

誕生日？？　結婚紀念呀 !！！

估不到他們特意拿來幾束人造花和掛飾，給我們點綴用，還要送上小禮物！！！

好有心呀～～～　你們的一點一滴總令人相當地感動～～～

哎呀＠＠買漏野～　買了海鮮卻忘了買燒烤網，同埋長火機？！

附近超市行車距離15mins (以主人車速6-7mins？！)

找到超市，連結100Yen店，好想行呀～　不過更不想浪費留在營地的時間～

約五點，工作人員為我們送上燒烤食品同醬料～　再代為起火～

雖然食器皿同廣告相中有點距離，食材大致上都好好～

又玩一輪：切野菜，搽蒜泥包，洗海鮮。。。

開始燒野食～　時間兩個半鐘！（工作人員說八點半會來回收餐具）

燒烤期間，他們在場地營火區立了兩支天文望遠鏡～

八八卦卦去睇吓～　月光好好好大呀～　

又要食，又要玩～　好忙呀～（誰叫我們要大魚大肉）

国產食材好美味呀～

最后玩燒棉花糖！　先將明治朱古力放上克力架餅乾

放在燒烤架慢烘，另一邊如常烤棉花糖串～

燒好就以兩片餅乾夾住棉花糖享用～　好玩又好食～

七手八腳燒晒野食，再去清洗用具，

友善的工作人員說放下就可以～　（本來是要自行清潔的）

麻煩晒！　有勞了～

九點出車去浸温泉，回來再簡單而浪漫的碰杯和切餅～

天上月光光，小星星；地下一間間可愛帳篷！

畫面好靚，感覺好溫柔～　祝願我倆永遠幸福快樂！

十點。指定消燈時間～　

関了吊燈，卻挑著SnowPeak燈在收拾行裝同寫日記～　

結果呢。。。睡覺時跌咗盞燈落床低而漏低咗？！　仲要返到香港先醒起　>~<

幸好以電郵聯絡，最后用郵寄方式取回失物！

12 Mar

六點鐘爬起來，又上酒店浸温泉同食自助早餐～　（如果可以玩多次野營煮食就好啦～）

不過在餐廳窗邊，可以遠看賽車場上的跑車馳騁，好似玩具四驅車，又幾得意～

今朝十一點還車（我們租了12小時），

先到附近超市行個圈，主人搬了兩箱栃木県的草莓作手信～

離開宇都宮前，帶主人去試名物：餃子～　今次呢間個皮厚咗啲～

回到東京，留在駅購物～　三番街買玩具，春天版手信

三點半出機場，六點半飛走啦！

行程上的確有點趕～　不過返工就好難在平日放長假～

有得玩，幾日都好開心！！