父皇出巡北海道 1

好想去玩呀～　倒數個幾星期，就可以跟猫生猫太，貓步台中啦～～～～

當茶會都一齊開埋，行程大致上編成了～　期待一次充滿陽光，平安，笑聲的假期！

提起旅行，手上尚有三回紀行未解決。。。出發前夕，擠出一點時間，一些心力去寫吧～

揀來應該最短篇幅...四天的北海道　XD

10 Nov 2013

一個唔多睇電視的人，上年愛睇"三個長者"去旅行～　超顛超好笑！

事實上舊年11月，我曾經帶家中父皇出巡北海道～

完全唔似去玩嫁，所有景點我都去過，好似兼職做領隊咋～　(哈哈咁樣講，會比人打吧　XD)

機票是從FanFares買回來的，連稅三千幾，以北之國價錢來算係好好抵，不過得四日期，係想去遠D都唔得~

可能有長者優先，往復兩程比升級到PEY呀~ 加上Marco Polo打尖咭，老爸話乜得噤巴閉 XD

過境大忌，就係講日文~ D人口多呢，就到我比人搜？！　唉～天呀！！！

搭火車出札幌，再行去酒店~　11月的氣溫，開始北風凛凛~

愛上住Richmond Hotel，這次訂了雙人房，鑽石型的房間大得出奇，So Good!!

抓緊時間，卸下行李，出去走走～　從地下街回到札幌駅的百貨店， 逛Esta大食品街， 大丸超市，我要到鬆弛熊館潮聖~　不嗜甜的老爸竟話食泡芙? 錯晒~

在室內暖身后，向戶外挑戰吧！　步向三越方向，去Tokyu Hands幫朋友買月兔印~ 

一路行一面介紹地方: 這是大通公園，那方看是北海道県廳，遠處有撲克看板是薄野。。。(真係手中差支旗咋XD)

買完野，再到觀光客非去不可的手信街狸小路~  哈?! 老爸高興得要拍照?!?!  去到超市，入貨囉~

行晒成條街， 天黑晒，店子也關門～　晚餐揀咗食大阪王將！　別怪我刻薄呀，團友自己揀嫁~

回去路上， 華燈下，雪花飄降。。。冬夜的浪漫呀～　長者覺得好開心呀！　成世未見過嘛 XD

不過佢厚樓又冇，圍巾唔肯帶囉!!　冷親就弊～　

最后一個景點，北之時計台～　返去啦。。。沖熱水浴，喝啤酒~ 

老爸啤完極速就瞓咗。。。我跟Toro & Kuma看電視~　第一天完成了！