獅城漂泊 ♌ 榴槤飄香

21 Jan 2014

第四天行程編排，有想過去北區動物園，也諗過去馬拉 LEGO-LAND～ 
最後我們選擇只到東區逛逛～　
旅行的步伐，若過份東奔西跑，就會破壞慢遊的感覺～

睡到九點才爬床～　乘地鐵往東區，再沿南邊步向海岸線。 
頭頂著大太陽， 目的是找尋最傳統的風味：叻沙！

其實只是在旅遊書隨意找一間，去到才知是超級人氣店？！　｛328加東叻沙］滿店都是明星相，亞洲明星數之不盡，連西方地獄廚神Gordon James Ramsay也是挑戰者，真巴閉~

而我又真係夠眼光～　一啖入口，蛤蜊和魚片的鮮味，混合椰子香料，好食到飛上天～～～
所以行到滿身大汗都係值得～　強推呀！　有比較，早兩日在金沙食到的，又貴又把鬼！

食完早餐，四圍行～　娘惹店，特色商店～　坤成路旁駐留很多七彩房子，隨行隨影～

朋友女是榴槤迷，就步行到下一站。。。榴槤街～
兩個MRT站的距離，以為大概走數十分鐘～　真實的距離我們大概行行咗個幾鐘？！！！　熱到顛咗～

好在最尾都搵到～　朋友在嘆猫山王，我就在Tempo加口罩的防衛下同Toro猫影相～　好搞笑，自拍一張吧！

午后時段返回市中心，穿梭Somerset商場找藝術品：草間彌生，鐵線人，幾層樓高的女巨人～　又影一輪～

再到小印度走走，朋友覺得百貨店新奇又有趣～　相反我呢個真係去過印度嘅人，又無咩感覺～
最真實一面，係這個區的衛生環境真係差咗～ 　同埋用索帶為超市的背心袋封口，更顯得這區人不自律～

天天早出晚歸，趁今晚冇咩野做，想正經坐下來吃餐飯吧～　
專程搭MRT到Raffles Place，再左穿右插行到去老巴刹～　到門前才發現，整座熟食中心正閉門裝修？？！！
失望～～～～嘥腳力～～～～無緣份～～～

點好呢？　想食餐好，但又無力氣去太遠～　諗咗一輪，腦袋想起Bugis的土耳其餐廳～
去吧！　那兒也順路返Lavendar啦～

點了杯乳酪，豆沙拉，燒肉腸，焗肉醬～　配米飯同Balloon Bread～
甫坐下就餓，最后飽到要打包～　埋單SGD52.8 x Rate6.1 ~ HKD322～　抵過HK食好多！

心靈及嘴巴滿足的一餐！　原來同朋友女旅行，三餐中總會把一餐忘掉～　我們的耐力，有點不正常吧？！
又原來，亂七八糟的心情，會發放負能量，干擾電器，害WiFi card當了機，部分相片遺失了～

或者節目平凡，沒緊要， 這天是內心最舒坦的一天。
當別人把臂同行的畫面消失，就像把心中的匕首拔出來，痛入心扉～　我原來一息尚存～

看著Bugis的夜色，感覺也不一樣～　飯后散步回家吧！